حادث بمدق دير الانبا انطونيوس

اسرة
منتدىالانبا مقار
تتقدم بخالص التعازى
للانبا يسطس
اسقف ورئيس دير القديس العظيم
الانبا انطونيوس اب الرهبان
بالبريه الشرقيه بالبحر الاحمر
ومجمع رهبان الدير
فى الحادث المروع
الذى حدث فى مدق الدير امس
بانقلاب سيارة خاصه بالدير باحد الاباء واحد الاخوة وبعض من عمال وشباب بيت خلوة الدير
والذى ادى
لنياحة الابن المبارك
مينا طوبيا
واصابه
ابونا متاؤس الانطونى
بكدمات فى الرأس والوجه واسفل الظهر
واصابه
بعض شباب بيت الخلوة وعمال الدير وتقريبا عددهم يتراوح من 4 :6
القصه
كما رواها لى ابونا متاؤس الانطونى
اليوم اثناء زيارته للاطمئنان عليه بمقر الدير بالقاهرة
بدأت باتصال تليفونى من احد ابناء الدير ويدعى مينا طوبيا من منطقه حدائق القبه بالقاهرة والذى يتردد منذ الحين والاخر لقضاء خلوته الروحيه فى حضن اب الرهبان وضيافه ومحبه اباء الدير التى ليس لها مثيل اطلاقا
منذ ثلاثة ايام واثناء المكالمه قال مينا لابونا
ياابونا انا نفسى اشوف الانبا انطونيوس ومش عارف اعمل ايه؟؟؟؟
قاله ابونا ياسيدى تعالى الدير واباه اطلع صلى قداس فى المغارة واطلب من ربنا انك تشوف الانبا انطونيوس وربنا يديك حسب ايمانك
وبالفعل
مينا جهز نفسه عشان يسافر الدير
وفوجئ ابونا اتصال امس من مينا وقاله ياابونا انا وشباب واقفين برة المدق ومفيش عربيه تدخلنا
اجاب ابونا فى الحال هاجى خدكم ياحبيبى
(((( وهذا ليس بغريب على اباء دير الابنا انطونويس حيث حقا وبدون اى مجامله يتسمون بالمحبه وحسن الضيافه وعلاقاتهم بالشعب المسيحى وشباب بيت الخلوة )))
استقل ابونا متاؤس سيارة نصف نقل وذهب للشباب فى اول المدق ( على بعد 13ك من داخل الدير ) وكان برفقته احد الاخوة الذين تحت الاختبار ( الاخ اباكير )
وبعد الوصول لهم والسلام عليهم ركب مينا والشباب السيارة واتخد ابونا طريق العودة للدير
وفوجئ ابونا بعدم القدرة فى التحكم فى عجله القياده نهائيا وتم انقلاب السيارة بكل مافيها وبعد معرفة الاباء داخل الدير بالحادث ونقل الجميع داخل عيادة الدير حتى مجئ الاسعاف كان مينا فى حاله قئ دم وانتقل للامجاد السماويه (((( واتحققله طليه بس بالطريقه اللى ربنا شافها ودبرها ))))
والمصابين الان موجودون
بمستشفى الراعى الصالح
وابونا متاؤءس بعد عمل الفحوصات ايضا بنفس المستشفى تم نقله بمقر الدير بكلوبك
وهو بفضل ربنا بخيــــــــــــــــــــــر
خالص العزاء لاسرة الابن المبارك مينا طوبيا
وخالص العزاء لجميع الرهبان واسر المصابين
وياريت يااخواتى يكون الموضوع ده درس لينا فى كذا حاجه
اولها
ان العلاقه بالشهداء والقديسين علاقه حميمه وتقربنا من الله
وان لكل شئ تحت السماء وقت
وان فعلا ارادة ربنا فوق كل شئ
وان لازم نكون مستعدين باستمرار لان محدش يعرف هوا هيكون فين بعد ساعه من الان؟؟؟
نطلب من ربنا ومن ام النور
ان ربنا يقوم المصابين بالسلامه
ويكون مع ابونا متاؤس اللى معجزة بجد ان هوا وابونا اباكير يطلعوا من الكابينه احياء لان السيارة متدمرة بجد
ويعزى اسرة المنتقل
مينا طوبيا
وبطلب منه انا شخصيا
اذكــــــــــــــرنى يامينا
امام عرش النعمه
وامام ابويا الانبا انطونيوس