سؤال بريء؟؟؟؟؟؟

كتير قوى قوى ..فكرت وهرشت الدماغ عشان أهدى أصحبنا الجامدين..
حاجه جامده يشتغلو بيها الزباين..
لحد موجدتوها..نكته طويله رخمه طحن الفحت..
مستعدين..
أر يو ريدى..
واحد رخم شاف واحد ماشى فى الشارع وقفه في الطريق وقاله صباح الخير يا أستاذ
الراجل : أهلاً أهلاً صباح الخير
الرخم : هو حضرتك يابانى ؟
الراجل :لأ أنا مش يابانى أنا مصرى
الرخم : معلش أصلي إفتكرتك ياباني
الرخم مشي ورا الراجل لحد ما الراجل قعد على القهوة
الرخم قعد جنب الراجل وقاله : معلش يا أستاذ ، أنت متأكد أنك مش ياباني ؟؟؟
الراجل : يا عم أنت مجنون !! أنا مصري مصري
الرخم : معلش معلش أنا بس كنت بتأكد
الراجل قام من على القهوة ومشي ركب الأتوبيس
الرخم ركب وراه الأتوبيس وقاله : يا أستاذ على الله بس ماكونش بتقل عليك ولا حاجة
كنت عايز أسألك سؤال أخير بس ، والدك أو والدتك ماكنوش يابانيين ؟؟؟؟
الراجل : يا أخي أنا زهقت منك ، أنا أبويا وأمى مش زفت يابانيين
الرخم : يا سيدي ما تتنرفزش كده خلاص عرفت
الراجل نزل من الأتوبيس وروح بيته
الرخم طلع وراه خبط على شقته
الراجل فتح الباب وقاله : يا نهار أسود أنت تاني !! عايز إيه ؟
الرخم : يا أستاذ هو سؤال واحد الله يخليك ، وما تخبيش عليه ، قولي بصراحة بقي
أنت ياباني ولا مصري ؟
الراجل لما زهق : أيوة يا سيدي أنا زفت ياباني متفوتش فقعأستريحت ؟
الرخم : غريبة جداً مع إنك مافيكش شبه من اليابانيين خالص ولا باين عليك يابانى أساسا
..