والد الشهيد مينا: بعد الحادثة شحنت له رصيد علشان يعرف يكلمنا بس ما اتصلش لحد دلوقتى
كاتب الموضوع
رسالة
AvaMakar نائب المدير
عدد الرسائل : 4726 الكنيسة : القديس أنبا مقار العمل : Administration الشفيع : القديس أنبا مقار تاريخ التسجيل : 05/01/2010 نقاط : 14003 التقييم : 1
موضوع: والد الشهيد مينا: بعد الحادثة شحنت له رصيد علشان يعرف يكلمنا بس ما اتصلش لحد دلوقتى السبت 08 يناير 2011, 11:34 am
والد الشهيد مينا: بعد الحادثة شحنت له رصيد علشان يعرف يكلمنا بس ما اتصلش لحد دلوقتى
elbadil | January 5, 2011
كتب – عماد نصيف:
” مينا يوم الحادثة لبس الصبح وقالي يا بابا أنا رايح لخطيبتى ” هكذا استقبلنا وجدي فخري والد الشهيد مينا وجدي 29 سنة “صاحب شركة استيراد وتصدير ” ، بالدموع قائلا : ” يومها قالي مينا أيه رأيك يا بابا في لبسي كدا كويس ، أحسن أنا رايح لأميرة خطيبتي النهاردة همه عازمينى عندهم وبعدين هاروح الكنيسة ، ونزل مينا وقعدت أنا وأمه وأخته في البيت ، وحوالي الساعة 12:40 بالليل عرفت خبر الانفجار من التليفزيون ، وبعد شوية اتصلت حماة مينا وقالت إن أميرة اتعورت ، روحوا دوروا على مينا ، فنزلت جرى وروحت على مكان الحادث فلقيت زحمة ومطافي و الدم والجثث مالية الشارع ، فدورت على مينا كثير من غير فايدة ، وكلمته على التليفون فكان مرة يدينى غير متاح ومرة يدينى مشغول ، فشحنت له رصيد علشان يعرف يكلمنا أحسن يكون مش معاه رصيد ، لكنه لم يتصل ، فروحنا المستشفى “مستشفى شرق المدينة ” فطردونا من هناك ولقينا ضرب بالزجاج وبالطوب “
ويكمل عم وجدي :” ولما عرفت أوصل لحاجة رجعت البيت تانى وبعدين رجعت على مكان الحادث وعايز اعرف اى حاجة عن مينا ، ورجعنا المستشفى تانى فقالوا لنا شوفوا الكشوف كدا فلم نجده .. فقالوا روحوا دوروا في المشرحة في كوم الدكة ، ولما روحت أنا وأخواله ووالدته دخلت بصيت في الكشوف لقيت اسمه وورونا بطاقته ورخصته كانت محروقة ومخرمة ، ووقتها أمه كانت عايزة تدخل المشرحة تشوفه لكن منعناها ، وأنا كمان ما قدرتش أشوفه وهو دلوقتى في السماء ، هو اندفن في المكان اللي بيحبه “دير ما مينا بمريوط ”
يقول عم وجدي كلامه والدموع تملأ عينيه :” كنا بنجهز الشقة لمينا علشان يتجوز بعد السنوية بتاع خاله كمان شهرين ، لكنه راح مكان أفضل وسابنا أنا وأمه لوحدنا ”
والد الشهيد مينا: بعد الحادثة شحنت له رصيد علشان يعرف يكلمنا بس ما اتصلش لحد دلوقتى
موضوع: والد الشهيد مينا: بعد الحادثة شحنت له رصيد علشان يعرف يكلمنا بس ما اتصلش لحد دلوقتى 
السبت 08 يناير 2011, 11:34 am
