مش قادر انسي يا ربي لما كنت صغير
مش فاهم في الدنيا حاجة ومن اصغرها بتحير
بس فاكر اني سمعتك بتقول ماتخافش انا معاك
مرافقك في الدنيا بنفسي مش مكتفي بالملاك
مش قادر انسي ياربي لما كنت من الصغار
مش فاهم في الدنيا حاجة وبعيد عن عالم الكبار
بس فاكر انك قلتلي يابني بتفكر في ايه
دا اي شيئ صعب هايقابلك معايا هلتقدر عليه
مش قادر انسي يا ربي صنيعك الكبير معايا
كنت ضعيف زمان وفقير لا قدامي ولا ورايا
بش فاكر انك قلتلي انا مصدر كل الاشياء
اديك بغني منها اللي في صالحك
ما انا الاف وانا الياء
مش قادر انسي يا ربي صنيعك الكبير في حياتي
كنت غريب اوي ووحيد حزين في كل اوقاتي
بس فاكر انك قلتلي يا بني اهاتك دي اهاتي
لو مش مصدق اني باحبك تعالي المش جراحاتي
قلتلي علشان كده عايزك يابني
تسيب العالم عشاني
هاديك لغاية ما اغنيك
وتقولي يا رب كفاني
موضوع: مش قادر انساك ! 
الأحد 27 ديسمبر 2009, 11:40 am
