دكتور عالمى يغلق عيادتة بعد اجراء عملية للطفل بيشوى

دكتور عالمى يغلق عيادتة بعد اجراء عملية للطفل بيشوى

مين قال عصر المعجزات انتهى لا لسة موجود كل يوم قديس وكل يوم معجزه بتحصل معانا

والمعجزة دى من اعظم المعجزات اللى ممكن تسمعها دكتور نال اعظم سبع شهادات فى العالم كلة يعمل عملية لطفل صغير وبعد ذلك يغلق عيادتة

يقول (....) وهو خادم بكنيسة مارى جرجس

انا من اسرة بسيطة جدا تتكون من اخين واخت واب و ام

الحكاية بدأت فى ليلة لما كان بابامسافر للقاهرة لمدة شهر لظروف خاصة بعملة وتركنا بالمنيا مرت اول ثلاث ايام عادى وفى اليوم الرابع كنت سهران فى الكنيسة علشان العرض السنوى وكنت مشترك فى مسرحية مارى جرجس وفى كورال ابؤروجوريوس والسمعيات والبصريات اللى هتخدم العرض المسرحى وحل التعب عليا فرحت البيت علشان استريح وللاسف وجدت الكل نايم الا اخوى الصغير بيشوى فسألتة انت اية اللى مصحيك لحد دلوقت يا بيشوى فرد عليا وقال مش عارف بس حاسس انى مخنوق ومش قادر اخد نفسى وحاسس ان جسمى وارم من بداية الجزء الاسفل وحتى القدمين

فقلت له طيب نام وبلاش تلاكيك انت وراك مذاكرة ولا مش عاوز ماما توافق انك تحضرالعرض اللى هكون انا فية ودا عرض مارى جرجس

فقالى بيشوى وحياة مارى جرجس انا مشبستهبل انا فعلاً تعبان قوى وبدات اقلق علية فصحيت البيت كلة ورحنا لدكتور متخصص فى المنيا وكشف على بيشوى وكانت المفاجأة المفزعة ان بيشوى مولود بمرض اسمة الفتاك ومكانة خطير جدا جدا فهو فى ( المسالك البولية والمثانة والعضو التناسلى ) ولازم يدخل غرفة العمليات لكن مش فى مصر فى الخارج وقال لنا الدكتور ان -حاليا فى مصر فى دكتور المانى متخصص فى المجال دة فسألتة عن تكاليف العملية وعرفت انها حتكون فى حدود 250 الف جنية مصرى فمشيت من عندة وانا شايل اخويا على ايديا وعمال ابكى بيه فى الشارع وكان الكلام دة يوم الاربعاء ليلاً وطبعاً المبلغ مش موجود ومش عارف اعمل ايه لأن المبلغ كبير جدا ويوم الخميس ليلاً تعب بيشوى تانى تعب شديد فأخدته ورحت بيه انا وامى الى الدكتور ولكن للاسف الدكتور مكانش موجود لانه فى مؤتمر بالقاهرة هو وكل اساتذة القسم يعنى ولا دكتور موجود فى المنيا واثناء العودة الى المنزل وجدنا عيادة دكتور عليها اسم استاذ المسالك البولية والتناسلية دخلنا وقابلنا الممرض اللى قال لنا ان الدكتور مسافر السعودية وراجع مش قبل شهرين بس اللى فى العيادة حاليا دكتور مبتدى اسمة جرجس لسة بيعمل الماجستر وعمرة حتى مادخل غرفة عمليات وانصحكم ما تدخلوش لية ولكن حالة بيشوى مكانتش تتحمل فدخلنا للطالب دة اللى اسمة جرجس وحكنالة الموضوع وقلتلة ياريت تديلة مسكن او اى شىء فرد الدكتور اللى لسه بيدرس وقالى دة لازم يدخل العمليات فى ظرف 24 ساعة عل الاكثر ودة فى حد ذاتة استحالة لان المبلغ مش متوفر ولا الدكتور ولا اى شىء لكن الدكتور الطالب قال انا ممكن اعمل العملية واجرى عبارة عن 250 جنية تحت الادوات و100 جنية حقنة بنج و50جنية للممرض و100 جنية اجرة يدى طبعا بالعقل البشرى ( الاستاذ الدكتور الكبير بيقولان العملية لازم تتعمل على ايدين دكتور المانى او برة مصر وتكاليفها 250 الف جنية ) ودة يقول انا اعمله وتكاليفها فى حدود 500 جنية فرق كبير جدا واثناء عودتنا الى المنزل قابلت امى واحدة زميلتها فى العمل فنصحتها بالذهاب الى اب قمص اسمة انجليوس الانطونى ببلدة صغيرة تدعى (صفط الشرقية ) بالمنيا ودة من السواح وكنا اول مرة نسمعبهذا الاب الكاهن فذهبنا يوم الجمعة صباحا الى تلك البلدة ثم الى كنيسة السيدةالعذراء وبعد القداس الالهى ذهبنا الى غرفة الاب القمص انجليوس الانطونى وعند طرقنا الباب كانت المفاجأة

ابونا انجيليوس : اتفضلى تعالى انتى وولادك انا مستنيكم منبدرى علشان هو جالى امبارح وحكالى عليكم ووصانى عليكم جدا لان ابنك الكبير دة حبيبة ..... تعالى يا بيشوى مالك يا حبيبى انت ربنا بيحبك قوى
بصى يا ستى العملية لازم تتعمل دلوقتى حالاً بس فى حاجة انتو متعرفوهاش لو العملية دى اتعملت عند الالمانى ولا حتى الامريكى تبقو بتحكمو على ولدكم بالموت لكن جرجس هو الوحيد اللى يقدر يعملها ببراعة فلا تستهينو بالدكتور الصغير دة لانة اعظم من كبار الدكاترة وعلى فكرة هو مستنيكم من بدرى
الحوار دة دار من ابونا من غير ولا كلمة منا مناول ما قال اتفضلو لغاية ما صلالنا وقمنا من عندة مندهشين مش فاهمين اى حاجة ورحنا بعد كدة للدكتور جرجس طالب الماجستير وكان محضر كل شىء وكان متصل كمان بدكتور البنج ولما شافنا قال انا كنت عارف انكم هتيجو وراح بصصلى وقالى على فكرة انا بحبك قوى وبحب اخوك بيشوى كمان متقلقش هو هيكون كويس بس اتحمل التجارب واوعى تضعف
الكلام نفسة كان يقلق بس فى نفس الوقت كان كلام ابونا مطمنا على الاخر
ودخل بيشوى غرفة العمليات وانا برة بصلى بشفاعة مارى جرجس حبيبى وبعد حوالى 4 ساعات خرج الدكتورجرجس وهو مبتسم وبيقول مش قلتلك متخافش على بيشوى

الف مبروك العملية نجحت

وبعد حوالى اسبوعين جة ميعاد التغير على الجرح وكان بابا جه من السفر وفوجىء بالكلام دة كلة حاصل فى غيابة واحنا مخبيين علية علشان ميقلقش فى غربتة بس تقبل الامر لما وجد بيشوى بخير لانة كان عندة اهم من اى شىء اخر ورحنا انا وبابا وبيشوى للدكتور جرجس علشان يطمنا على العملية فوجدنا العيادة مغلقة فذهبنا الى الدكتور الاولانى علشان يطمنا اكتر فقام الدكتور بالتغير على الجرح وقال دة استحالة يكون عمل دكتور مصرى نهائى وكان الدكتور مندهش جدا

بعد كدة قررنا نروح كلنا الى ابونا القمص انجيليوس الانطونى ودار الحوارالتالى :

ابونا انجيليوس قالى : ( انا مش قلتلك يا ابنى ان مارى جرجس بيحبك وهوبنفسة قالهالك وانت بردة مش مصدق .... انت قلبك حجر ولا اية ) فعلا يا جماعة اللى عمل العملية مش دكتور مصرى ولا عالمى دة دكتور من طراز خاص جدا ...دكتور بيحب ولادة وبيكون جمبيهم فى الوقت المناسب بتصريح من رب الارباب يسوع المسيح

دكتور نال اعظم سبع شهادات فى العالم كلة واستحق انة يكون امير على الشهداء وامير فى معجزاتة وامير فى تحملة للالام محبة فى ملك الملوك ورب الارباب يسوع المسيح

هذا الدكتور اسمة الامير جرجس
القصة نشرت فى جريدة نداءالوطن تحت عنوان امير الشهداء يصنع المعجزات مع من يطلبة
منقول
بركة صلوات مارجرجس سريع الندهه تكون معانا