للتسجيل بالمنتدي بالتسجيل



 
الرئيسيةبحـثالتسجيلدخول

شاطر | 
 

 يارب انبارح لقيتك سايبلى رسالة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Mena AvaMakar
مشرف
مشرف
avatar

ذكر
القوس النمر
عدد الرسائل : 1102
الكنيسة : كنيسة أنبا مقار باسيوط
العمل : 000000
الشفيع : أنبا مقار و مارمينا والبابا كيرلس
الاوسمة :
تاريخ التسجيل : 21/01/2009
نقاط : 1309
التقييم : 6

مُساهمةموضوع: يارب انبارح لقيتك سايبلى رسالة   الأربعاء 01 يوليو 2009, 3:11 pm

يارب انبارح لقيتك سايبلى رسالة تعرفنى وتفهمنى فيها حبك
اد اية يارب اترددت كتير ان افتحها بس حسيت بصوتك ورجائك فى ودانى انى افتحها
فتحتها وقرتها مرة واتنين وتلاتة .............مبقتش عارف ارد باية بقيت اكتب وامسح
مش عارف ازاى ادافع عن نفسى بعد مشوفتها بوقحتها وجبروتها اية جبروتها اخليك انت تترجانى يارب كل الرجاء دة
مش معقولة ومش ممكن اتخيل اد اية حبك
ومش هتتخيل اد اية كسوفى من نفسى
كنت محتاج الارض دية تشق وتبلعنى

طلعت يارب فاهمنى اكتر من نفسى
طلعت حاسس بجبروتى وقسوتى وكبريائى
طلعت يارب شايف وعارف وحاسس بكل اللى بعملة فيك

مش عارف اكتبلك اية لحد الحظة دية
مش عارف اقولك سامحنى
طيب هطلب تسامحنى على اية ولا اية
على انتظارك ليا انى ارجعلك ندمان على كل اللى عملتة معاك
ولا هطلب تسامحنى انى كنت بعمل الخطية وانا عارف انها بتجرحك بس بعملها لانها بس هترضى مزاجى
هتسامحنى على اية ولا اية يارب

يارب انا مش هطلب منك غفران مع ان فى اشد الحاجة الية
ومش هطلب منك تسامحنى مع ان دة املى الوحيد فى حنيتك

لكن .......لكن يارب هطلب
هطلب منك وعد
ايوة يارب وعد
انا عارف كل يوم انا اللى بوعدك بس فهمت وعرفت ان وعودى بشرية
بعقل مشغول بمغريات العالم
تفتكر هيقدر يفتكر وعد........؟

المرادى هطلب وعد منك انت
وعد انك تتدخل فيا باقتحام حتى لو انا رفضك
ادخل واقتحم حياتى وقلبى يارب
اوعدنى يارب تغيرنى لانى مش قابل نفسى بعد مشوفتها على حقيقتها
حقيقة ضعيفة حقيقة تخجل حقيقة كنت اتمنى معرفهاش

بجد انا بحبك يارب
بس مش عايز اقولها المرادى لانى حاسس انك مش هتصدقنى
عايز اقدمهالك فعل ايوة يارب فعل
انضف قلبى علشان تدخل تقعد فية
انضف عقلى علشان تقدر تديرة بطريقة صح

انا مش هسلمك يارب قلبى وعقلى بس
لا يارب انا هسلمك كل حياتى تعمل فيها اللى انت عايزة

المرادى يارب غير كل مرة
كل مرة اوعدك وبما انى انسان فوعودى ملهاش اى وقت انى احققها
لكن المرادى هاخد منك وعد الهى وعد حقيقى
وعد بايمان يارب ايوة بايمان وعد واثق من يقينة

بحبك يارب

الرجوع الى أعلى الصفحة اذهب الى الأسفل
 
يارب انبارح لقيتك سايبلى رسالة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتديات العامة :: المنتدى العام-
انتقل الى: