هل جربت مرة الإحساس ده ؟

هل جربت مرة الإحساس ده ؟

انك حسيت ان ربنا بعيد قوي عنك ... و لقيت ان كل مشاعرك الروحية اختفت..و حسيت ان كل كلمات فمك في الصلاة بقت مجرد كلمات خالية من أي روح
حاولت تقوم ببعض التمارين الروحية ..
خليت اصدقاءك يصلوا لأجلك .....
اعترفت بكل خطية يمكن تخيلها ...
لكن مفيش أي حاجة بتحصل ... !!!؟!!!!
فتبدأ في النازل ..و تصرخ لامتي هتستمر الكآبة الروحية دي ؟...أيام ؟...أسابيع ...شهور؟ هل هيكون ليها نهاية فتصرخ في يأس ...هو ليه اللي بيحصللي ده كله ؟؟؟
* لكن عندي ليك حاجة مهمة قوي لازم تعرفها ...
ان علشان صداقتك مع ربنا تنضج ...لازم تختبرها بفترات من الانفصال الظاهري ..أوقات تحس فيها ان ربنا نسيك و اتخلي عنك
اختبار مؤلم جدا ..لكن مهم جدا علشان نمو ايمانك ...و معرفة الأمر ده اعطت ايوب رجاء لما مقدرش انه يحس بوجود ربنا في حياته ( هأنذا أذهب شرقا فليس هو هناك ..و غربا فلا أشعر به .....شمالا حيث عمله فلا أنظره ...يتعطف الجنوب فلا أراه ...لأنه يعرف طريقي ..اذا جربني أخرج كالذهب ..بخطواته استمسكت رجلي ..حفظت طريقه و لم أحد ) ( أي 23 : 8 – 10 )

و مثل ثاني ... ماكانش فيه أقرب من صداقة داود النبي لربنا لدرجة ان ربنا دعاه ( رجلا بحسب قلبي ) ..و مع ذلك داود كتير اشتكي من غياب ربنا الظاهري ( يارب لماذا تقف بعيدا ..؟..لماذا تختفي في أزمنة الضيق )
لكن عمر ربنا ما ترك داود .........و هو كمان عمره ما هيسيبك ....
ربنا كتير في وعوده قال ( لا أهملك و لا أتركك ) لكن ربنا ما وعدش ( انك دائما تحس بحضورة )..لكن ربنا بيعترف انه في بعض الأحيان بيستر وجهه عنا
لما ربنا يبان انه بعيد قوي عنك ....
ممكن تحس انه زعلان منك او انه بيأذيك بسبب خطية ....فالخطية فعلا بتفصلنا عن ربنا ....( ( افسس 4 : 29 , 30 ) , (1تس 5 : 19 ) , (أر 2 : 32 ) )
لكن أحيان كتيرة بيكون الاحساس بالهجر و البعد عن ربنا مالوش علاقة بالخطية .... لكن اختبار للايمان ..هل هاتستمر في محبته و الثقة بيه و عبادته و طاعته بالرغم من انك مش حاسس بحضوره ؟؟؟؟
عارفين ايه اكبر غلطة بنرتكبها ....؟
اننا دايما بندور عن اختبار بدل ما بندور علي ربنا ....بنطلب احساس و لو ده حصل يبقي كده عبدنا او صلينا لربنا
لكن ده اكبر غلط ...لأن ربنا بيزيل مشاعرنا في احيان كتيرة قوي علشان مانفضلش معتمدين عليها ...
انك تدور علي شعور حتي لو كان شعور بالقرب من ربنا مش هو ده الصلاة
و كمان ساعات كتير لما بنكون اطفالا في الايمان ربنا بيدينا كتير من المشاعر المؤكدة و كتير بيستجيب صلوات لينا مش ناضجة و اللي بتتمركز حوالين ذواتنا علشان نعرف انه موجود ..لكن كل ما بننمو في الايمان... ربنا بيبدا يفطمك عن الأمور اللي بتعتمد عليها
علشان كده لازم نعرف الفرق بين حاجتين مهمين جدا وجود ربنا و حضوره ..
فالأول هو حقيقة ...والثاني في الغالب احساس ..
فالله موجود حتي لو لم نشعر بوجوده
تعرف ايه اكتر موقف ممكن يوسع نطاق ايمانك ....لما تحس ان الحياة انهارت قدامك .... لما ماتلاقيش ربنا في أي مكان ...تعرف ان كل ده حصل لأيوب ..فقد كل شئ في يوم واحد ....و الأكثر احباطا انك لو قرات سفر ايوب هاتلاقي ان ربنا ماكلموش طوال 37 اصحاح ...!!!!!!!!! !!

[size=24]المشكلة دايما فينا استعجال الرد والاجابة على اسئلتنا وطالباتنا وننسا القول المشهور ان فى عدم استجابة الله لطلباتنا هو استجابة
احنا دايما عايزين ربنا اللى على مزاجنا مجرد واحد بينفذ كل اللى نحتاجة ونصلى فى وقت احتياجنا واول لما تتسهل الامور ننسى ربنا تانى يمكن اسمحلى استعير التامل الرائع اللى سمعته مرة من احد الخدام عن العلاقة مع ربنا والفداء
ان قرية كان انتشر فيها مرض غريب اصيب الناس كلها بالمرض ده الدكتور اللى فى القرية مش عراف السببب يا ترى مين السبب ايه الحل بسرعة راح للعمدة علشان يشوف حل للمشكلة دى وخلى العمدة يصدر قرار ان الناس كلها لازم تحللل علشان يعرف مين المصاب ويقدروا يحصرو المرض
فعلا كل الناس راحت حللت والناس كلها منتظرة ايه الحل ايه العلاج معقولة خلاص مفيش امل مفيش حل والناس كلها مستنيه قدام الوحدة ومعمل التحليل فجاة طلع الدكتور وماسك يافته فبها اسم الناس كلها زحمة مش شايفة ياترى ايه اللى حصل ياترى ايه الاسم ده مين ده ؟كل طفل ماسك فى ايد ابوه ومتضايق زعلان الموت يطرق البابا ربما الان ربما غدا ربما بعد غد
واذ بالاسم هو اسم ابن العمدة راح العمدة بسرعة علشان يشوف ايه اللى حصل ايه اللى مكتوب وايه الحل
قابل الدكتور قاله الدكتور مفيش حل غير ان نعمل مصل بدم ابنك علشان نحقن كل الناس اللى مصابة عشلان تخف
العمدة كان ما بين يضحى بابنه علشان يفدى القرية او يخلى ابنه ويهلك الجميع
بسرعة وبدون تردد قرر العمدة انه يضحى بابنه والناس فعلا خفت من المصل ده لكن العمدة ضحى بابنه وقدم اغلى حاجة عنده عشلان هو بيحب الشعب اللى بيخدمه
قرر المحافظ انه يكرم العمدة اللى ضحى باغلى ما عنده عشلان يقدم للناس ابنه عشلان يعيشوا
فقرر انه يعمل حفلة ودعى كل اللى فى البلد عشلان يشاركوا فى الحفلة
ولكن المفاجئة الكل ابتداء يعتزر
واحد قال انا عندى شغل والتانى اصلى ابنى تعبان التالت اصلى عندى ميت ...............
وحضل التكريم عدد قليل من المدعويين
هو ده بالضبط اللى بنعمله احنا بننسى ربنا لغاية لما نحتاجة واول لما يتحقق اللى عايزينه ننسى ربنا للاسف مش حاسين بقيمة علاقتنا بربنا

اشكرك على مرورك
ربنا يباركك
كل سنة وانت طيب

دكتور شيكو

بحييك علي الموضوع الرائع
بس انا بحس انه ربنا بيدي كل واحد تجربه علي حسب احتماله
لانه عارف هيقدر يصمد ويستفيد من التجربه وهيرجع لحضنه تاني
ربنا يباركك

موضوع جميل دكتور شيكو ربنا يبركك

بس اناحسا ان ربنا معاي بس مش قدري اصدق