للتسجيل بالمنتدي بالتسجيل



 
الرئيسيةبحـثالتسجيلدخول

شاطر | 
 

 مسرحية قوتي في الضعف تكمل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الصياد
مشرف
مشرف
avatar

ذكر
الثور التِنِّين
عدد الرسائل : 129
الكنيسة : انبا مقار
العمل : 00000
الاوسمة :
تاريخ التسجيل : 11/12/2008
نقاط : 39
التقييم : 3

مُساهمةموضوع: مسرحية قوتي في الضعف تكمل   الأربعاء 25 فبراير 2009, 10:10 pm

مسرحية قوتي في الضعف تكمل
المشهد الاول
سامح دي مواعيد دي ...ايه اللي اخرك
عادل المواصلات ما انت عارف ..المهم انا لاقينالك حته كتاب
سامح وريني كده ...بيتكلم عن ايه الكتاب ده
عادل صدقنب ما فتحته ..انت عارف انا ماليش في القرايه بص علي بال ما انت تشوفه ..هاروح اجيب مناديل
(يبدأ سامح بفتح الكتاب)
(يخرج عادل ثم يبحث عنه عادل ثم يخرج)
شفاط ايوه جاااي
روماني 2شاي وواحد حلبه يالا .
يوسف ايه يا روماني من اول الليل وانت مكشر مالك
روماني العادي ...مفيش شغل واتركشت الخطوبة ..وادينا عمالين نشرب ونتوه ..علشان ننسي
يوسف ياه تفكرشت الخطوبة ..بس ديه تبقي ساع مرة تخطب وتفك ..بس سيبك وشك بيبقي حلو عليهم اول ما تفك الخطوبة علي طول البنت تتجوز .
روماني يوسف ...انامش فايقلك ..ايه هتبقي انت والزمن
يوسف ضروق يا عم ..احنا مش عايزيين نضيع الدماغ اللي عملناها ..ولا شفاط الشاي فين ....يله يا جماه المتش ابتدي
روماني يلا بيبو ويشير يالا يا بيبو حول
يوسف بيبو مين يا عم ..الزمالك هو جاب الجول
روماني زمالك مين ..ده الاهلي هو اللي جاب الجول
يوسف يا عم صدقني الاهلي اللي جاب الجول
روماني ولا ..بلا صحوبية بلا قرف ..مين اللي جاب الجول
يوسف عارف حتي لوهموت ..مش حغير رائي الاهلي هو اللي جاب الجول
فادي ولا شفاط ..تعالي ولع التليفزيون يابني
(يضحك جميع الجالسين في القهوة)
روماني انا رايح الحمام
يوسف شكله وحش قوي ..قعد يتفرج علي ماتش والتليفزيون متطفي
فادي هوانت مش كنت بتتفرج معاه ..المهم هواحنا مش صحاب روماني ..ايه رايك لو نوديه الكنيسة يمكن يتغير حالة وظروفه المكملة
يوسف انت مفكرنا ما بنرحش ولا ايه ..هي مش 96
فادي ايه دي
يوسف الـ fm
فادي لا انا قصدي يحضر قداس في الكنيسة مش يسمعه في الfm بص يا فادي ..احنا لما نروح الكنيسة بنعمل حاجات غلط ..نشتم ..ونتعارك ..وساعات ييجي شوية ناس تحب تعمل علينا كبار واحنا مبنعرفش نسكت ..وبرضه سامحني الكنيسة فيها شوية حاجات غلط
فادي بص يا يوسف ..احنا شوية ناس ضايعه .ولا هنصلح في الكنيسة ولا هنصلح في الناس ..احنا نروح نحضر القداس وبعديها نمشي علي طول
يوسف لو كده ماشي
روماني خير يا جماعة بتتكملوا في ايه
يوسف ولا حاجة يا روماني ..انا عايز اقولك حاجة
روماني قول يا سيدي
يوسف انا نويت ..علي ..علي
روماني متكمل يا بني
يوسف نويت اننا نروح نحضر قداس
روماني (بتنهيدة) هنروحوا امتي
يوسف يوم الحد الجاي
(بلاك خفيف صوت قداس ثم في حوش الكنيسة)
روماني احنا فعلا كنا محتاجين نحضر قداس
يوسف عندك حق
فادي يلا بينا يا روماني
ابونا ازيك يا روماني يا بني عامل ايه
روماني الحمد لله يا ابونا
فادي بعد اذنك .زيا ابنونا احنا ورانا مشوار
روماني مالك يا فادي فيه ايه ..يا ابونا احنا مفيش ورانا حاجة ابونا انا ..انا كنت عايز اعترف
يوسف وانا كمان يا ابونا
ابونا وانت يا فادي
فادي الف شكر يا ابونا .زانا مبعلمش حاجة تستاهل اني اعترف
(يوسف وروماني في وقت واحد) يا راجل
ابونا ايه رايكم يا ولاد تجولي يوم السبت بعد العشية ونقعد مع بعض
روماني ماشي يا ابونا ......بعد اذن قدسك
(وهم خارجين)
روماني اول مرة حد يعهتم بينا ويسأل عن حالنا
يوسف عندك حق يا روماني ..شكل الواحد هيبتدي يرجع للكنيسة
(يخرج الثلاثة ثم يرجع واحد)
ابونا ربنا يبراكك يا فادي يا ابني ..دول ربح حلو جدا للكنيسة لكن شكلك تعبت معاهم جدا
فادي ابدا يا ابونا دول شباب محتاج يحس باهتمام الكنيسة بيه ...وبعد كده اتفرج عليهم هيبقوا ازاي
ابونا سلام يا فادي يا بني
فادي سلام يا ابونا ..مارك ..مارك
مارك ايوه ازيك يا استاذ فادي
فادي انت مجيتش ليه الخدمة النهاردة
مارك بصراحة انا راحت عليا نومه
فادي بقي يا مارك انت المفروض يهتم الكنيسة اكثر من كده ..في ترنيمة بتقول " العالم فيه ايه علشان نتمسك بيه " عار فمعناها ايه ...معناها اننا نبعد عن كل حاجة تربطنا بالعالم ...ونربط حياتنا بربنا
مارك استاذ فادي ...صدقني انا نفسي اجئ وحضر الخدمة
فادي خلاص يبقي اشوفك الاسبوع الجاي
(بلاك خفيف)
المشهد الثاني
عصام شريف ..شريف
(تترمي عليه ملابس من الداخل وصت صراخ)
صاحبه البيت عارف لو مجبتش فلوس الايجار الاسبوع ده ..أنت عارف انا هاعمل ايه
(صوت ضرب ويخرج شريف)
شريف دانا اضربتها ضرب
عصام ما هو باين ..مين دي
شريف دي صاحبه البيت المشكلة دلوقتي اني محتاج فلوس ...يبقي هنرجع نشتغل دوبلي تاني
عصام متاخد سيجارة تطبت حالك
شريف لا يا عم
عصام طيب متاخد ده
شريف لا يا عم انا ماليش في السجاير هتديني ده
عصام براحتك ...بس انت اخر مرة اشتغلت دوبلي قعدت في الجبس شهرين
شريف عندك حل غير ده ..المشكلة الثانية فين الفيلم اللي هتشتغل فيه
عصام المشكلة التالته ...ان يخايف لا حسن ربنا يوعدك بالمخرج الاجنبي اللي دايما يقول انا عايز تمثيل واكعي واكعي واكعي وانتتضرب لما يطلع روحك
(يدخل المخرج من الناحية الاخري)
المخرج انا عايز تمثيل واكعي واكعي واكعي
احد الكومبرس حاضر يا استاذ بس انا من رائي اننا ...
(يقاطعه المخرج)
المخرج (بأسلوب بلطجة) رايك ...وكمان بتقول رايك ...انت يا لا حته كومبرس لاراح ولا جه
الكومبرس هو المخرج ده منين
المخرج Sorry بص حبيبي انت
(؟؟؟؟؟؟؟؟؟بين المخرج والكومبرس)
شريف لا يا عم الواحد مش عايز يموت ..بلا تمثيل بلا قرف
عصام يا شريف انت نسيت الست صاحبه البيت
شريف عندك حق يا عصام ...تعرف الواحد محتاج فلوس ...ومشاكل كتير مستنياه ..لكنما يبقاش للواحد غير الصاحب يلا ...وصيتك الحاجة صاحبة البيت
المخرج فين الدوبلير ...في الدوبلير
الكومبرس حاضر ... حاضر ... احنا
شريف (يقاطعة) ايوة ... ايوة يا استاذ ... اهد جاى .
المخرج بص حبيبى ... انت دلوقتى هتعمل دور الاستاذ محمد هنيدى 0k... دلوقتى هتعاكس الاستاذ
شريف ايوة كده الواحد ياخذ حظه
المخرج وبعد كده ... بيجى جوز الست ديه يضربك للما تموت
شريف ما احنا كنا ماشيين حلو يا استاذ ايه اللى حصل
المخرج يالا حبيبي هنصور ..يلا مشهد 89 الضرب اول مرة اكشن
(يجتمع رجل واحد ثم ثلاث رجال يضربونه)
شريف يا استاذ احنا متفقين ان راجل واحد هيضرب ايه كل ده
المخرج تمثيل واكعي اكتر اكتر ..دم
(يخرج مقطع الهدوم وعلي وجهه دماء)
المخرج برافو برافو حبيبي ...انت تمثيلك جميل
شريف يا استاذ انا كنت بتضرب بس
المخرج يا حبيبي انت عقلية فاذه ..انت ليك دور عندي الدور يا سيدي
عصام ايه يا شريف مش هنمشي
شريف امشي معاك انت ..يا شحات
المخرج الدور يا سيدي بيقول
(؟؟؟؟؟؟؟؟؟؟بين المخرج وشريف)
عصام ياه ..يا شريف من خمس دقايق كنت صاحبك واول ما لقيتك فرصه ..قلت تبيع كل اللي يربط بالفقر صحيح صدق اللي قال مفيش صاحب يتصاحب
(المخرج ثبات ويمشي شريف خطوه خطوه)
ت1 ايوه بتقول اليه بطوله ..يا راجل ...شكرا ..اشكرك يارب
ت2 لا لا ...انا مشغول معروض عليا اكتر من دور
ت3 لا اصلي عندي تصوير في الخارج
(يذهب ليجلس ويشم "ولاك خفيف عليه"
عصام الحق يا ابونا
ابونا خير يا ابني تعالي
عصام صاحب عمري ضيع نفسه ..كان راجل فقير كان شغال دوبلير وبعد كده اتشهر ...ودلوقتي يا ابونا مدمن يا ابويا
ابونا اديني اسمه يا ابني
عصام اسمه شريف عطية
فادي الممثل المشهور ..
عصام ايوه هو
فادي كان نفسي اخذ منه اوتوجراف
(ينظر ابونا الي فادي نظرة حزم)
عصام بعد اذنك يا ابونا
فادي ابونا ..
ابونا ايوة يا فادي
فادي بعد اذن قدسك ..اتولي انا الموضوع ده
ابونا بسرعة بس يا فادي
(بلاك ويضئ الناحية الاخري)
فادي لو سمحت حضرتك عارض الشقة للبيع
شريف ايوه اتفضل اتفضل "بلهفة"
فادي "ينظر الي حال الشقه" مساحتها اد ايه
شريف 150 متر
فادي طيب ممكن اعرف سعرها لو سمحت
شريف اي سعر ..انا بس بحب اغير شقتي علطول
فادي ايه رايك في السعر ده
شريف بس ده كتير اوي ..اتفضل امضي
(صوت خبط علي الباب)
فادي طيب افتح الاول وبعدين امضي
شريف امضي بس انت
فادي يا سيدي هيه الامضي هتطير ..افتح انت بس
شريف ايوه ..ايوه ..مين بيخبط
البوليس بوليس ..افتح
شريف بوليس ..بوليس ..انا قلتلك امضي ..الله يسامك
(يفتح الباب ) اتفضل يا باشا
الضابط عندن اخباريه ان الشقه ديه فها كميه كبيرة من المخدرات فتش يا عسكري (يدخل العسكري)
العسكري حاضر يا حضرة القبطان
الضابط ضابط يا بني مش قبطان
العسكري ممكن كلمه بس يا بشا
الضابط عايز ايه يا بني
العسكري عليك هيبه يا باشا ..صدقني انا خفت يا باشا من شويه كنا عاملين دماغ عاليه قوي ...دلوقتي ضابط وعسكري
الضابط كتر خيره فادي ..خلانا نخدع ..ودلوقتي لما تخدم اخدم بجديا عسكري ..يالا يا عسكري فتش
(يدخل العسكري للتفتيش)
شريف حضرتك ...انا معنديش حاجة ..ولا مخدرات ولا حاجة
الضابط لو مفيش مخدرات ..احنا عاملين حسابنا
شريف (يكلم نفسه ) لازم تعمل حساب صاحبك النهاردة في الزفت ده
(يدخل العسكري)
العسكري لقيت ده يا باشا
(يتأكد الضابط من المضبوطات)
الضابط وديه شقة مين بقي ...يا حلوين
شريف شقة ...شقة
(يقوم فادي ويمسك عقد الشقة ويمضي)
فادي شقتي انا حضرتك
شريف لا يا باشا ديه
فادي (يضع يده علي فمه ) ديه شقتي انا ...وهو ضيف عندي وملوش دعوه باي حاجة
الضابط يمسك يده الاخري فيكون علي شكل صليب ، عارف ايه اللي لقناه في شقتك
فادي ايوه عارف
الضابط وات بقي بتتعاطي ولا بتاجر
فادي انا لا بتعاطي ولا بتاجر
الضابط الحاجات ديه ..نعرفها في القسم ..يالا خده يا عسكري
شريف ممكن بس يا باشا اقوله كلمتين
الضابط بسرعة بس يا ابني
العسكري طيب لو هرب يا باشا
الضابط هيهرب يروح فين يا بني
شريف لو سمحت ...انت متعرفنيش وخلصت حياتي اللي كانت هتضيع ليه ده كله
فادي عايزيني اقولك ليه ..زمان فيه اللي ضيع نفسه علشنا ومعملش اي حاجة علشان يموت ..بس كان هدفه يخلص كل انسان
يا ريت تخلص نفسك من الضياع ده اقضي بقيه عمرك في خدمة ربنا بدل من خدمة الشيطان والخمرة والادمان
الضابط يالا يا عسكري خده
(شريف ثبات مع دخول جزء من ترنيمة وبلاك)
ابونا برافو عليكم يا ولاد رجعتوا واحد لربنا
روماني الواحد المفروض لما يتغني يمجد اسم ربنا مش يدمن ...ومن الاخر يا باونا خسارتنا اننا منملش ده لوفيه اي مخرج كان هتبهربينا يالا حظوظ
فادي ازيك يا ابونا
ابونا سمعت ان الولاد دول عملوا شغل تمام
فادي دول ...اه
(بشويش بينه وبينهم لو معندكش مخدرات احنا عاملين حسابنا)
يوسف خلاص يا فادي ز.متجبش سيره لابونا
(يدخل رجل انيق)
عصمت سلام يا ابونا
ابونا ازيك يا استاذ عصمت
عصمت انا كنت محتاج خدمة من قدسك
ابونا اتفضل يا بني خير
عصمت انا محتاج محاسب كفئ امين علشان يمسك مكتبي لاني مسافر
(يفكر ابونا ثم يقع نظره علي فادي)
ابونا فادي يا ابني
فادي ايوه يا ابونا
ابونا انت خريج كليه ايه
فادي كليه التجارة
ابونا قسم محاسبه صحيح
فادي ايوه يا ابونا
ابونا استاذ عصمت ..مهما تدور مش هتلاقي انسان كفء امين ذي فادي عن اذنك يا استاذ عصمت ..انا عايز فادي اقوله كلمتين
فادي ايوه يا ابونا
ابونا اوعي يا فادي شغلك يخليك تقصر في خدمتك
فادي مش ممكن يا ابونا ..اقصر في الخدمة
ابونا روح طيب مع الاستاذ عصمت علشان يفهمك طبيعة الشغل
عصمت (ياخذ فادي خارجا) احنا شغلنا علي مستوي كبير اوي .محتاج شغل كتير اوي
(يخرج ابونا وفادي وعصمت ثم بلاك)
ابونا يا ه يا فادي ..بقالك 4 شهور ماجتيش الخدمة ..الشغل شغلك عن خدمتك
روماني فادي يا ابونا عمره ما انشغل عن الخدمة
ابونا فادي بقاله 4 شهور مجاش الخدمة ..ومحدش عارف يوصله عطلول في الشغل ..كه هخلي حد يمسك الخدمة مكانه لحد ما يضبط شغله ..مش معقول برضه يا بني نسيب الخدمة تقف
(بلاك)
فادي ايوه يا ابونا البقيه في حياتك ..دلوتقي يا ابونا محتاج قدسك تيجي علشان تقول كلمه لان لحد دلوقتي مفيش كهنة جم ...طيب يا ابونا يا ريت بسرعة شكرا سلام يا ابونا
احد المعزيين والده ووالدته يعملوا حادثه ويموتوا في يوم واحد ..ربنا يصبرك يا فادي
احد المعزيين الساعة 11 وابونا لسه مجاش طيب نستاذن احنا يا فادي ..البقيه في حياتك وشد حيلك .
فادي شكرا ..ما يخلوكوش في حاجة وحشة
(يخرج الناس)
فادي ياه ابونا مقتدرتش تيجي عزاء ابوا وامي ياه ..وانا خدمت معاك سنين طويلة ..خدمت ناس ضايعين ومحتاجين ويوم ما بقيت محتاج حد يقف جنبي مالقيتش حد ..دي اخره الخدمة
بس يا فادي ما متعرفش ظروف ابونا ايه ..وهما كانت الظروف كان المفروض تيجي حتي ولو خمس دقايق ..مش يسبوني في يوم ذي ده لوحدي ..يارب انا خدمتك كتير اوي ..ودي اخرتها ابوا يوامي يموتوا في يوم واحد ..وكهنة الكنيسة وصحابي محدش سال فيها ..كل ده علشان انشغلت عن الخدمة شوية ..خلاص الناس ينسوني ..سامحني يارب من النهاردة انا في ناحيه وانت كنيستك في ناحيه
(بلاك نهاية الفصل الاول
يارب اتمجد
[/center][/b][color=blue][/color[/spoiler]][center][b]


عدل سابقا من قبل الصياد في الأربعاء 25 فبراير 2009, 10:21 pm عدل 2 مرات
الرجوع الى أعلى الصفحة اذهب الى الأسفل
الصياد
مشرف
مشرف
avatar

ذكر
الثور التِنِّين
عدد الرسائل : 129
الكنيسة : انبا مقار
العمل : 00000
الاوسمة :
تاريخ التسجيل : 11/12/2008
نقاط : 39
التقييم : 3

مُساهمةموضوع: رد: مسرحية قوتي في الضعف تكمل   الأربعاء 25 فبراير 2009, 10:12 pm

الفصل الثاني
فادي ده المكان اللي كنت بتيجي فيه زمان يا فادي لما كنت بتخدم ..اه ايام وعدت ..ومكان ذي يده مش ممكن حد يوصلي فيه ...ومن النهارده اسمي مش هيبقي فادي ..اسمي هيبقي "غريب" وهعيش غريب
ام مخلص لله ..ساعدوا عاجز ..ربنا يساعدكم يا ولادي
فادي خدي يا امي
ام مخلص شكرا يا ابني ربنا يصلح حالك
فادي هه ..صعبه دي
ام مخلص لا يا بني ربنا عنده كتير ز.خليك واثق فيه هو قادر يصلح حالك لله
(تخرج ام مخلص ويتجه فادي ناحيه)
فادي هات يا بني واحد من اللي الناس بتشربه
حسين تلعب يا اخ
فادي (بتنهيده) ماشي
(اطفاء واضاءة)
فادي العب يالا
حسين الراجل الل ضربته بالمطوه من شهر عمال يدور عليك ..خلي بالك
فادي انا مش ضربه في منطقه محدش يعرفنا فيها خلاص يدور براحته ..ولو لقاني يبقي يعمل اللي عايزه
(سكوت)
فادي تصدق يا جدع ان اكنت خادم في يوم من الايام
حسين يا راجل متقولش كده
فادي كان نفسي احضر عيد القيامة في الكنيسة
روماني سادس عيد قيامة يمر علي غياب فادي
ابونا لسه يا ولاد محدش عارفله طريق ..اهي 6 سنين ومحدش عارفله طريق
يوسف دورنا يا ابونا كل مكان لكن مفيش فايدة
(اطفاء)
فادي (بينه وبين نفسه) مفيش فايدة لازم ترجع يا فادي ..طيب ازاي ..انا خلاص ضعت ومش ممكن نرجع ..ليه ما الابن الضال رجع ..يا عم انا دلوقتي صعب قوي ارجع بعد ما كنت الخادم المحترم ..ايه هرجع الراجل الضائع..لا لا
(بلاك)
ابونا لازم ترجعوه يا ولاد ...لازم متيأسوش ربنا لازم يساعدنا
مراك معاك العناوين الناس اللي فادي كان بيخدوهم
ابونا معايا علي الكمبيوتر
مارك طيب يا ابونا انا محتاج العناويين دي
ابونا تعالي طيب يا بني خدها
(بلاك)
ام مخلص لله ...لله
فادي صباح الخير يا ام مخلص ..خدي يا امي
ام مخلص اشمعني يا بني انت الوحيد اللي كل ما تشوفني تعطفي عليا
فادي اللي فيه داء ميعرفش يبطله
ام مخلص ربنا يزود المحبه في قلبك يا بني ..بس ممكن اسألك سؤال
فادي اتفضلي
ام مخلص ايه ايا بني الل رماك علي البهدله دي
فادي اللي رماني علي البهدله دي ..اللي رماني الخدمة ايوه الخدمة ...اللي نسيوني فيها ايوه نسيوني في الوقت اللي كنت محتاج ليهم ..مالقيتش حد جنبي ..وانا اللي كنت مستحمل البهدله والجري ورا الضائعين انا اللي كنت بجري وراهم علي القهاوي ...انا اللي تعبت واتبهدلت واتمرمط ...انا ...انا ...انا ...انا مين انا واحد بيخدم ذي ذي اي واحد ..انا اللي نسيت ايد ربنا اللي كانت دايما سنداني ز.اللي رماني علي البهدلة هو انا
ام مخلص ياه يابني انت خادم ..انت كنت تلميذ من تلامذه يسوع ..ذي بطرس ليه يا باني بتقي يهوذا ليه ..انت كنت بطرس و لبطرس وقت ما غلط رجع وبكي ..عارفي ليه لان كان غيره ثلاث حاجات ..الثقة والايمان والحب ..الثقة ان ربنا مبيتغيرش ولاايمان انه قصبه مردودة ما بيكسرش والحب ...حبه دايم ما بيتأسرش ...يا بني ربنا مستنيك وفاتح ايده ليك ...له ..ساعده عاجز
(تتجه نحو الخروج)
فادي عاجز..صحيح العاجز اللي مش كفيف ولا كسيح ...العاجز الحقيق اللي مش قادر يسمع صوت المسيح ..الست دي مين
(يخرج، ويطفئ النور ) ثم
حسين احنا مش المفروض نبطل شرب الهباب ده
اسامه ليه يا عم خلينا ننسي الهموم اللي احنا فيها
حسين ايه يا عم ..انت ما شوفتش اللي حصل لغريب
اسامة اكمنه اتعمي ...ماهو الي جابه لنفسه ...قعدنا نقوله يا بني بلاش الهباب اللي بتشربه
حسين (نظرةاستغرب) ما احنا عمالين نشربه
اسامة احنا يلا جتتنا نحست ...لكن الراجل ده محترم مشمتعود علي الرمرمه دي
حسين طيب اسكت ..اسكت ..لاحسن هو جاي
فادي مساء الخير ...شكل مفيش حد هنا
(تدخل فتاتين)
سمر يا ماريان ..كده تموتي يا ماريان
ماريان اموت ..يا ريت اهو الواحد يخلص من القرف ده
سمر (بأسلوب حقد) قرف اللي انت فيه ده قرف ...ابوكي وامك مسافرين ..وعمالين يبعتوليك فلوس قد كده وتقوليلي قرف يا ريت يا ستي نبقي في القرف ده
ماريان نفسك تبقي مكاني ..اصل انت بقيتي مكاني مش هتقولي كده لما ما تلاقيش حد يهتم بيكي ...لما عمرك ما تحسي بحنان ام او اب ..عمرك ما هتقولي كده ..لما ما تلاقيش حد يعرفك الصح من الغلط ..لما تلاقي ابوكي وامك كل هدفهم يكوشوا علي اكبر كمية فلوس ...وممكن ما تلاقيهمش يعرفوا انت حتي في سنه كام ..وينسوا عيد ميلادك مش هتقولي كده ابدا .
سمر انا اسفة يا مريان بس انا
ماريان خلاص ..خلاص ولا يهمك
مارك (يسأل الناس ) مفيش حد هنا اسامه فادي
حسين مفيش حد هنا بالاسم ده
(يمشي مارك الي خارج المسرح)
مراك خسارة ..انا كده رحت كل العناوين ...كان نفسي الاقيك يا استاذ فادي
فادي تعالي يا بني بتدور علي مين
(ياخذه في طرف المسرح)
مارك استاذ اسمه فادي
فادي وانت تعرفه منين
مارك ده كان خادم ...
(؟؟؟؟؟؟في طرف المسرح)
ماريان ابونا انا عايزة اقعد مع قدسك
ابونا بعد اذنك يا شريف ..خير يا بنتي
ماريان اناعايزة اعترف ..بس قبل ما اعترف انا جايه لقدسك مخصوص علشان خادم من الكنيسة الخادم ده هو اللي رجعني لربنا ..وانا سألت الناس لحد ما عرفت انه كان خادم في الكنيسة هنا
ابونا اسمه ايه الخادم ده
ماريان اسمه فادي بولس
ابونا فادي ..طيب يالا نروحله يا بنتي
شريف ممكن اجئ مع قدسك يا ابونا
ابونا تعالي يا بني
(يخرجوا من المسرح)
فادي انا فادي اللي بتدور عليه ..لكن انا لسه ما عرفتش انت مين
مارك ياه ..حضرتك عارف بقالنا اد ايه بندور عليك
النص بدور عليه بقالي 6 سنين
حسين معلش يا فادي ..لكن غصب عننا
النص امشي يالا انت وهو ..وحشتني اوي يا غريب
فادي انت مين
النص نستني يا غريب ..وانا عمري مانسيتك
مارك ايوه يا ابونا ..انا عرفت مكان فادي ..قدسك جاي طيب بسرعة ...العنوان ...مع قدسك ..طيب بسرعة
النص الله الله ..انت اتعميت ولا ايه ..والهي زعلت ..بقيت عاجز يا فادي ...هاها
فادي اصوت ده مش غريب عني ..انت النص
النص انا النص ..شفت ربنا ازاي ما بيسبش حد ازاي انت ضربتي بمطواه من 6 سنين ..جا اليوم اللي ارضهالك فيه
فادي (يحاول الفرار) بس احنا كنا شاربين وانا ما كنتش اقصد
النص تقصد ولا ما تقصدش ...خلاص جا اليوم ....اللي نصفي فيه حسابنا القديم
فادي (يقلب الحال ويمسك السكين) انا دلوقتي راجل عاجز ..انا ...انا ..عمال تقولي حسابات ..عياز ايه يالا
(يدخل ابونا وماريان وشريف وخلفهم ام مخلص)
ابونا ايه دا يا فادي ..فادي الخادم بعد ما كان يرفع الصليب سلاحه ..دلوقتي يتحامي في مطواه ..سيب الراجل وارجع كنيستك تاني
فادي ارجع كنيستي ...بعد ما كنت الخادم المحترم ...ارجع كنيستي اذابعد كل ده ..انا دلوقتي راجل ضايع
روماني وقت ماكنا ضايعين انت رجعتنا ..للكنيسة دا انت الل علمتني ازاي اخدم ..ارجع كنيستك وسيب الراجل ده
فادي الكنيسة اهتمت بالناس الضايعة ..واهملت ولادها وخدامها لحد ما ضعنا ..الكهنة والخدام قالوا ..دول قدامنا ليل نهار خلاص ما نسالش عنهم لحد ما ضعنا
ماريان ووقت ما ضعت ..كنت بتخدم من غير ما تقصد المسيح اللي جواك لسه موجود ..ما تسبهوش يا فادي
فادي سابوني ي وقت ما كنت محتاجلهم فيه جنبي ..سابوني في موتة ابويا وامي ..والحجه اني انشغلت شويه عن الخدمة
مارك وانا صغير في الخدمة قلتلي جزء من ترنيمة (العالم فيه ايه علشان نتمسك به الك لباطل باطل علشان نتمسك بيه) ليه انت ماسك دلوقتي في العالم ...صدقني ربنا لسه مستنيك ترجعله
فادي (ترك السكينة) مارك
النص (يجري) ماشي ماشي يا فادي
ابونا حمد الله علي السلامة يا بني في كنيستك ..(يحضنه)
عادل سامح ..سامح ..ايه اللبس الل انا لابسه
سامح (في نهاية المسرح) نقدم رسالة الي كل خادم لا تترك كنيستك وخدمتك ..ماتنسوش ...الكنيسة هي الطريق البيت ..ولازم ما تفرطش في ا؟؟؟
فادي يا ابونا هنا الكنيسة اهتمت برجوع فادي ..لكن هل ده بيحصل مع كل ضايع

[/color]
:54
الرجوع الى أعلى الصفحة اذهب الى الأسفل
 
مسرحية قوتي في الضعف تكمل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الصوتيات و المرئيات :: منتدي المسرح الكنسي :: النصوص المسرحية-
انتقل الى: