::: لازانيا بالجبن ::: { بالصوررر}..... {مميز}

لازانيا بالجبن ::: { بالصوررر}..... {مميز}

نسلق المكرونة مع شوية زيت و ملح ،، بس اسلقي المكرونة في قدر كبير ،، عشان ما تتكسر معاك

و هي على النار ،، نجهز كمية من الدجاج او اللحم المفروم حسب رغبتك ،،

بصل و ثوم و دجاج او لحم مفروم بالصلصه الحمراء ،، ممكن تضيفين عليها اي نوع خضار خضراء ( بقدونس ، كزبره ، شبت )

و نحضر كمية من صلصة الباشميل

مقادير الباشميل :

كاس حليب بودره

كاسين ماء

3 ملاعق دقيق ابيض

ملح

نجهز كمية كبيرة من جبنه الشيدر المبشورة ، جبنه الموزريلا ، إذا بغيتي تضيفين جبنة بارميزان

ناخذ صينيه بايركس كبيره ،، نص في قاع الصينيه و نرص شرايط اللزانيا طبقة وحده فوق الباشميل

نحط فوقها طبقة اللحم المفروم او الدجاج و فوقها طبقه من الجبن ( من النوعين )

و نغطيها باللزانيا مره ثانيه ونعيد نفس الترتيب اللحم او الدجاج و الجبن و نغطيها باللزاانيا

و فوق الوجه نغطيها بالجبن

بالنسبة لي احط جبن كثير ،، لانك إذا دخلتي الصينيه الفرن و ساحت الجبنه ،، تعطي طعم خيااالي

وبا الهناء والعافيه