اجــمــل مــا كــتــب عن الاحداث الاخيره فى التحرير على مواقع التواصل الاجتماعى (Facebook -Twitter)

اجــمــل مــا كــتــب عن الاحداث الاخيره فى التحرير على مواقع التواصل الاجتماعى (Facebook -Twitter)






يا عسكري البهوات أنا بس بستغرب
لو لاقي تاكل و تشرب قوم ياعم إضرب
إضرب لجل الوزير من ضربتك يطرب
لكن هتشتغل إيه ..... لما الوزير يهرب!!!




يا عسكري واقف بالفرس على جتتي
لا انت البطل ولا انت فتوة حتتي
يوم ما تقول هاخد البلد...
هقولك خدها بس على جثتي





لما المشير يبقي الكبير.........لما شرف يبقي الأمير............لما الجمل يبقي الوزير...........
بأمارة اية فية تغيير
لما الشيطان يبقي الضمير.....لما الفلول ترجع تدير.............لما الفقير يفضل فقير............
بأمارة اية فية تغيير
لما الكبار ياخدوا الفلوس........لما البوليس يرجع يدوس........لما عكاشة يرجع يبوس.........
... ... بأمارة اية فية تغيير
لما المحامي يبقي ديب.........لما القانون يفضل بغيب..........لما الجروح ترفض تطيب..........
بأمارة اية فية تغيير
لما الطريق يبقى ضباب.........لما اللأمل يبقى سراب..........لما الحمل تكله الذئاب...........
بأمارة اية فية تغيير
لما الكنايس تتحرق...............لما كلامى يتخنق.......لما الأمانى تتسرق...............
بأمارة اية فية تغيير
لما الفتن تبدأ تشيع.............لما السفيه يرجع يذيع...........وإحنا وراه زى القطيع.............
بأمارة اية فية تغيير
لما القانون يبقى كفيف.........لما الشيطان يبقى حليف......لما جمال يبقى شريف..........
بأمارة اية فية تغيير




لا حق لحي ان ضاعت في الارض حقوق الاموات
لا حـــق لـمـيـت ان يـــهــتــك عـرض الـكـلـمــتات



تكتبها بطباشير
تقولها فى بير
تستخبى تحت السرير
تلفها فى بشكير
تشرب معاها شعير
... تقولها فى الصيف او فى امشير
لو كنت طيب او شرير
صغير او كبير
مغفل او خبير
بيبو او بشير
جرجس او سمير
هى كلمه واحده....
يسقط المشير





قولوا عنهم بلطجية ؟؟
على رزقكم متسلّطين
بتقولوا دول حبة عيال
أصحاب أجندة و مأجورين ؟؟
طيب تمام ..
بس السؤال ..
يا حضرة الوطنى الهُمــام
ممكن بكام
تبيع يا حضرة نور عينيك ؟؟؟
أو تنضرب طلقة رصاص
ترشَق ف رجلك أو إيديك ؟؟
ممكن بكام
بإيديك تشيل جثة أخوك ؟؟
و تشِـم مَلو الصِدر غاز
و ف الشوارع يسحلوك ؟؟؟
طبَ خد كمان قرشين زيادة
و قول موافق يقتلوك !!





" المدرعة داست متظاهرين عند ماسبيرو " ......... يا عم كبر مخك دول مسيحيين .
" نظام مبارك كان بيعتقل ويعذب المعارضة " ......... يا عم كبر مخك دول إرهابين .
" بعض الثوار بيتحاكموا محاكمات عسكرية " ......... يا عم كبر مخك دول شوية عيال .
" مواطنين يتضربوا في القسم وتهان كرامتهم " ..... يا عم كبر مخك دول بلطجية .
" مساجين يموتون في ظروف غامضة " ............... يا عم كبر مخك دول شوية مجرمين .
أعتقد إنك من دلوقتي لازم تبقى عارف إنك لو حصل لك حاجة ...... برضه هتلاقي واحد ..... . . . . . . . . . . . . . يكبر مخه