جمعيه انت موضوع حبي

يا ريت حد يشارك

ابد ا انا وانا في امتحان السنه اللي فاتت بتاع الا نجليزي كنت حاسه اني مش عارفه حاجه في المنهج كمان كنت مش قادره اخلص اي حاجه فصرخت لربنا وقلته يا رب انت عارف اني تعبت قوي في الماده دي يرضيك اني اسقط
تاني يوم رحت المدرسه بدات احل بهدوء علي غير العاده وعند خروجي من اللجنه وجدت اغلب اصدقائي المتفوقين بيعيطوا وعند مراجعه الامتحان وجد نفسي حاله كويس وكمان اخدت 20 من 25 وهي درجه جيده بالنسبه لمستوي الامتحان

انا هشترك معاكم
وهحكى عن موقف حصل معايا
السنه اللى فاتت كان عندى امتحان لدكتور صعب جدا وكانت الماده كبيره جدا ذاكرت الماده كلها لكن سيبت جزء وقلت اكيد هيجى اختيارى ابقى ماخترهوش لان الدكتور كان قايل انه هيجى 3 اسئله اختيارى واختار 2 بس
والجزء اللى مزكرتهوش كنت مذاكره فيه بس عنوانين لكن فى ليلة الامتحان ماكنتش قادره افتكر العنوانين دول
قولت خلاص اركز على الباقى والسؤال ده مش هختاره
المهم كان جوايا قلق شديد وخوف بس ماكنتش عارفه اعمل ايه لانه مفيش وقت واذا زاكرته هلغبط نفسى
المهم واحده صحبتى اتصلت بيا وقالت لى لاء انا هذاكره بس هى تقدر تذاكر لاول مره ويتثبت فى دماغها لكن انا مشكلتى ان المذاكره الاولى بالنسبه لى مابتثبتش ولازم اراجع كتير علشان يثبت
المهم اخويا شافنى قلقانه قالى طيب اقرى العنوانين اللى انتى كنتى مذاكراهم
بصراحه قولت اقراهم وخلاص على الرغم ان القرايه اصلا ملهاش لازمه بالنسبه لى لانى لازم احفظ لان ده فرنساوى وكمان مادة ادب فمفهاش تأليف
المهم قريتها
وفضلت طول الليل وانا نايمه افتح عنيا واقول لربى يارب بلاش السؤال يجى يارب خلى الاسئله اللى انا مذاكراها بس هى اللى تيجى
ونسيت اقولكم انى وانا بقرأ فى الكتاب لقيت اية ان شئت ان تجيز عنى هذا الكأس
فحسيت ان فى حاجه هتحصل
المهم جه وقت الامتحان
والمفجأه ان السؤال اللى انا مش مذاكراه جه اجبارى متخيلين يعنى ايه اجبارى
وانا يدوبك قاريه عنوانين قرايه فقط يعنى مش حفظاه
اضايقت جدا وبقيت اقول ياربى ليه يجى اجبارى
لكن ربى كان معايا بطريقه عجيبه وبجد كنت انا موضوع حبه
بدأت اكتب العنوانين بس اللى قريتهم وكان الكتاب كان قصادى كنت بكتب وكأن ربنا ماسك ايديا وبيكتبلى وفاكره كل كلمه على الغرم انى اللى بحفظه وبصعوبه بنساه لكن انا قريتهم بس
لكن كتبتهم كلهم وماكنتش ناسيه وكنت مستغربه انا عارفه نفسى وضعفى
بس فى نفس الوقت كنت مضايقه لانى برضوا كتبت عنوانين من خمسه مطلوبين فى السؤال الاجبارى
واخدت ساعتين فى السؤال ده
والسؤال التانى كان بياخد معايا فى البيت 12 صفحه
بدات اتوتر لانى المفروض انى اكتب 12 صفحه فى ساعه
بدات اكتبت واكتب واختصر لانى مفيش وقت لغاية ما الوقت خلص وماقدرتش اكمل السؤال بس عاملتله خاتمه كده وخلاص لان الوقت انتهى
وخرجت من الامتحان وانا فى انهيار لانه جه اللى مش حفظاه واللى حفظاه مكتبتهوش كله
لكن ببص لقيت ان كل اصحابى ماشفوش كلمة اجبارى ومحلوش السؤال الاجبارى
على الغرم انى مشهوره بانى مش بقرأ رأس السؤال
اضايقت وشكرت ربنا انى شوفت كلمة اجبارى وقولت انا اكيد هاخد جيد فى الماده ده بالعافيه
لكن اكتشفت نعمة ربنا عليا وانه بيدينى اكتر مما بطلب وافتكر
واخدت فى الماده ده جيد جدا
وفرحت جدا وقولت فعلا يارب انت عظيم
جعلت اللى انا قريته بالنسبه لى فكراه بسهوله
كمان لو كنت حافظه السؤال الاجبارى كله كنت هاخد الوقت كله فيه ومش هلحق احل السؤال التانى
بجد ساعات بنفتكر ان ربنا بيسبنا لكن بيكون اكتر وقت ربنا ماسك فيه ايدنا
نشكر ربنا على محبته
على فكره انا عندى كتييييييييييييير حكايات حصلت معايا
هبقى اكملكم