للتسجيل بالمنتدي بالتسجيل



 
الرئيسيةبحـثالتسجيلدخول

شاطر | 
 

 ينبوع الحب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
dr.sheko
نائب المدير
نائب المدير


ذكر
عدد الرسائل : 543
الاوسمة :
تاريخ التسجيل : 03/05/2008
نقاط : 74
التقييم : 4

مُساهمةموضوع: ينبوع الحب   الأربعاء 14 مايو 2008, 7:52 am


ينبوع الحب
********************
المشهد الاول يفتح الستار على شخصين فى منزل


عادل : بردو مش قادر تفهمينى يا سامى

سامى : ما هى حاجه تجنن يعنى عاوز تسيب شغلك وابحاثك وتجاربك علشان فكره مجنونه زى دى

عادل : قولتلك 100 مره دى مش فكره مجنونة

سامى : يا سلام يعنى ورده الحب بتاعتك دى ليها لازمه اوى

عادل : طيب انا هوريك

سامى : ازاى بقى يا عبقرى

عادل : ام ................ خلاص لاقتها

سامى : اتحفنى

عادل : انده مصيلحى البواب

سامى : ده راجل صعب وبيكره الناس

عادل : واللى يخلهولك ملاك برئ

سامى : يبقى عملت اكبر خدمه فى تاريخ البشرية

عادل : روح بقى اندهلى مصيلحى

سامى : حاضر يا سيدى امرك لما نشوف اخرتها معاك ايه............................ادخل بقى عزبتنى معاك

مصيلحى : عقول لك يا بيه......... انا مش شغال عندك

عادل : بقولك ادخل يا مصيلحى

مصيلحى : بقولك ايه منيش داخل......... يعنى منيش داخل

سامى : منته دخلت خلاص يا مصيلحى

مصيلحى : دخلت طيب منيش خارج

عادل : بص يا مصيلحى ............انا هعمل معاك صفقه

مصيلحى : يعنى انته تطبل وانا اصقف يا بيه ولا ايه

عادل : اصقف ايه واطبل ايه يا مصيلحى ................صفقه يعنى بزنس

مصيلحى : ايوه ايوه...... قطط يعنى

عادل : قطط ايه........ اقولك سيبك من كل ده.............. وقولى انته بتحب

مصيلحى : ليه يا بيه انته شايفلى عروسه

عادل : هههههههه عروسه........ لا يا مصيلحى انا مش قصدى الحب ده........... انا قصدى الحب التانى

مصيلحى : ايوه .......... فهمت يابيه

عادل : فهمت ايه؟؟؟؟؟

مصيلحى : ايوه انا بحب الملوخيه ام طشه

عادل طشة ايه وملوخية ايه يا مصيلحى........ انا قصدى حب الناس...... يعنى عندك سامى بيه بتحبه

مصيلحى : قبر يلمه انا عحب الاشكال دى

سامى : انته بتقول ايه

عادل : استنى بس يا سامى بص يا مصيلحى انا هديلك ال5 جنية دى لو شميت الورده اللى فى ايد سامى بيه

مصيلحى : 5 جنية هات يا بيه

سامى : براحه شمها مش كلها

مصيلحى : اه اه ......... اه يا نفوخى
( يشم الورده ويدوخ ويقع على الارض )


سامى : ايه ده الظاهر انه مات برافوا عليك يا عادل نجحت

عادل : نجحت ايه يا سامى الظاهر انه مات بجد
( يبدا مصيلحى فى التحرك )




سامى : متخفش ده زى القطط بسبع ارواح انا هروح اجبله كباية مايه

عادل : بسرعه يا سامى بسرعه ............ حاسس بيه دلوقتى يا مصيلحى

مصيلحى : حاسس ان فى قردين عمالين يطنطوا فى دماغى

سامى : امسك يا مصيلحى الميه

مصيلحى : ايه ده ميه معندكمش عصير كلب تشيله

سامى : فى عصير فى الدنيا اسمه كلب تشيله

عادل : يكنش اقصدك كابتشينه

مصيلحى : ايوه كلب تشيله

عادل : اشرب ....... اشرب بلاش دلع
( ويمسك الكبايه ويشرب بصوت عالى ومسموع )


سامى : كفايه دى الكبايه جالها جفاف

مصيلحى : خلاص يا بيه كانت دوخه وراحت

عادل : والقردين راحوا فين

مصيلحى : باينهم اتصالحوا وحاسس انى بحب كل الناس وبحبك انته كمان يا سامى بيه بحبك موت

عادل : هايل نجحت نجحت يا سامى

سامى : وانا هموت هموت يا عادل

عادل : خد بقى ال5 جنية دى يا مصيلحى

مصيلحى : عيب عليك يا بيه انا بتاع الكلام ده بردك

عادل :شوفت يت سامى الورده عملت ايه

سامى : فعلا دى معجزه

مصيلحى : اه اه اه يا دماغى

عادل : أيه فى ايه يا مصيلحى

مصيلحى : هقول لك ايه يا بيه ادينى الخمسة جنيه اللى قولتلى عليها

سامى : منتا لسه رفضها

مصيلحى : كنك اتجنيت حد يقول لمصيلحى خد ال5 جنية ويقول لا

عادل : خلاص يا مصيلحى خد ال5 جنيه

سامى : بقول لك ايه يا مصيلحى

مصيلحى : ايوه يا بيه

سامى : كنت عاوزك تجبلى طلبات من تحت

مصيلحى : قبر يلم العفش مش فاضى

عادل : بس انته لسه قايل انك بتحبة وبتحب كل الناس

مصيلحى : انا قولت كده .............. انا طول عمرى اقول على العيله دى عقلها طاقق

عادل : معقول فشلت بعد كل التعب ده

سامى : مش مهم االمهم ان الورده كان ليها تاثير ولو قصير

عادل : بس مش هو ده الحب اللى بدور عليه .............. انا بدور على الحب الحقيقى الحب الابدى............ انا هرجع المعمل تانى واشوف الغلط فين
( ويخرج ثم ترجع مره اخرى )


عادل : يا رب اطلع صح المره دى ................ بس اجرب على مين المره ده
( ويبص فى الساعه ويتذكر شئ )


عادل : ياااااااااااااااااااه ده زمان عمى سعيد على وصول ........... وده راجل نكدى ومتشائم ........... وكنت عاوز منه مبلغ كده بس مش عارف هقول له ازاى ................ هقوله ازاى
( ويطرق عمه الباب )




الرجوع الى أعلى الصفحة اذهب الى الأسفل
dr.sheko
نائب المدير
نائب المدير


ذكر
عدد الرسائل : 543
الاوسمة :
تاريخ التسجيل : 03/05/2008
نقاط : 74
التقييم : 4

مُساهمةموضوع: رد: ينبوع الحب   الأربعاء 14 مايو 2008, 7:55 am

باااااااااااقي النص :



عادل : اهلا اهلا ازيك يا عمو عامل ايه



سعيد : ايوه ما هو انا مش باخد منكم غير المصايب ........ خير اتكلم ......... واقف ساكت ليه اتكلم

عادل : هو انته مدينى فرصه اتكلم يا عمى

سعيد : طيب اتكلم .......اتفضل ساكت ليه .......... ادينى اديتك الفرصه اتكلم

عادل : استنى يا عمو انا كنت عاوز اقولك ...............انك وحشتنى وعايز اتكلم معاك شويه

سعيد : يا سلام يعنى جايبنى علشان كده .........انا قولت انك اتشليت عملت حادثه ..........

عادل : بس بس كفايه ده كله علشان قولت انك وحشتنى امال لو قولت لك بحبك هتعمل ايه

سعيد : اسمع انا معنديش وقت اضيعه معاك ......... عايز ايه خلصنى

عادل : انا كنت عاوز منك شويه ........... لا تمام ........... كنت عاوزك تشم........... تشم الورده دى وتقولى ..... رايك ايه

سعيد : اشم ايه ؟ ايه الكلام الفارغ ده

عادل : يا عمو انا مش عاوز منك غير انك تشم الورده دى وتقول لى رايك ايه؟؟؟؟؟ دى ريحتها تجنن

سعيد :حاضر يا سيدى وادى الورده اهيه ( يشم الورده ) ايه ده دى ريحتها غريبه اوى ...... اه دماغى دماغى

عادل : هايل المفعول اشتغل حاسس بايه دلوقتى

سعيد : حاسس ان دماغى هطير

عادل : تمام

سعيد : ايه ده عادل ابن اخويا وحشنى موت

عادل : نجحت نجحت المره دى

سعيد : هه جبتلى ايه معاك من موزمبيق

عادل : موزمبيق

سعيد : ايوه موزمبيق انت كنت هناك امبارح بس انا مدرتش اجى علشان كان عندى معاك فى كندا

عادل : كندا عمى عمى

سعيد : انا مش عمك انا نيوتن

عادل : نيوتن ............ الله ............... يا نهار اسود

سعيد : حاسب ....... حاسب

عادل : ايه فى ايه

سعيد : الصرصار كان هيدوسك

عادل : الحمد الله ........... انقذت حياتى

سعيد : لا بد ان تموت قبل طلوع الفجر

عادل : اموت ايه .......... وفجر ايه ........... ده الكفار ماتوا من زمان

سعيد : هى الساعه كام دلوقتى

عادل : الساعه 6 ليه

سعيد : اصلى معايا معاد مع ابو الهول

عادل : طيب يا دوب تلحق

سعيد : الحضاره .......... التاريخ .............. المسقعه .............الكوسه

عادل : اكيد فى حاجه غلط تانى ....... انا لازم ارجع المعمل واعرف الغلط فين
( يخرج ثم يدخل هو ومايكل )


مايكل : اهلا .....خير فى ايه

عادل : اهلا يا مايكل عامل ايه

مايكل : من غير لت وعجن ......... خش فى الموضوع على طول

عادل : خلاص انا هخش فى الموضوع على طول ........... قولى يا مايكل ايه رايك فى الورده دى

مايكل : نعم ورده ......... انا طول عمرى اقول عليك مجنون ....... ومحدش مصدقنى

عادل : يا عم ........ خدنى على قد عقلى .......... وشم الورده دى بس دى ريحتها حلوة
( مايكل يمسك الورده ويشمها )


مايكل : ولا حلو ولا حاجه ......... دى زى طبيخ الهانم اختك ولا طعم ولا ريحه........... اه اه يا دماغى



عادل : هايل المفعول بدء يشتغل ........... حاسس بايه دلوقتى

مايكل : حاسس انى ....... حاسس انى ........ بكرهك ايوه بكرهك وبكره اختك وبكره كل الناس....... بكرهكم ايوه بكرهكم .......... بكرهكم كلكم
( يخرج مايكل من المسرح )


عادل : ازاى ده مش ممكن مش معقول ........... الظاهر انى فشلت تانى ........ بس انا مكنش قصدى اعمل حاجه غلط ....... بالعكس انا كنت عايز الناس تحب بعضها وتعيش فى سلام ........... كنت عايزاهم يحبزا بعض حب حقيقي ........... بس الظاهر انه مش موجود فى العالم ايه ده دا انا ليا كتير مقرتش فى الكتاب المقدس وانا محتاج اقرا فيه شويه واعرف رسالة ربنا ليه من رسالة معلمنا يوحنا الرسول الاولى " أَيُّهَا الأَحِبَّاءُ، لِنُحِبَّ بَعْضُنَا بَعْضاً، لأَنَّ الْمَحَبَّةَ هِيَ مِنَ اللهِ، وَكُلُّ مَنْ يُحِبُّ فَقَدْ وُلِدَ مِنَ اللهِ وَيَعْرِفُ اللهَ. 8وَمَنْ لاَ يُحِبُّ لَمْ يَعْرِفِ اللهَ، لأَنَّ اللهَ مَحَبَّةٌ. 9بِهَذَا أُظْهِرَتْ مَحَبَّةُ اللهِ فِينَا: أَنَّ اللهَ قَدْ أَرْسَلَ ابْنَهُ الْوَحِيدَ إِلَى الْعَالَمِ لِكَيْ نَحْيَا بِهِ. 10فِي هَذَا هِيَ الْمَحَبَّةُ : لَيْسَ أَنَّنَا نَحْنُ أَحْبَبْنَا اللهَ، بَلْ أَنَّهُ هُوَ أَحَبَّنَا، وَأَرْسَلَ ابْنَهُ كَفَّارَةً لِخَطَايَانَا. 11أَيُّهَا الأَحِبَّاءُ، إِنْ كَانَ اللهُ قَدْ أَحَبَّنَا هَكَذَا، يَنْبَغِي لَنَا أَيْضاً أَنْ يُحِبَّ بَعْضُنَا بَعْضاً".

لان المحبه هى من الله لان الله محبه ................ يااااااااه يعنى ايه كل الوقت ده كنت بدور فى الطريق الغلط ......... وقدامى الطريق الصح ....... اللى ممكن يوصلنى لسر الحب الحقيقي ........ الحل كان قدام عنيا طول الفتره دى وانا مش شايفه ......... الحل مكنش فى الورده ولا فى اى حاجه تانى ......... الحل قدامنا ......... بص ...... بص على الصليب وانته تشوفه

هتشوف قصة الحب العجيب .........هتشوف الحب الحقيقي ........ النهر اللى بيفيض بالحب لينا ...... ومن انهارده خلاص هتوب......... وهكلم كل الناس وهحب كل الناس ....... وقولهم انى لاقيت الينبوع

+ + + + ينبوع
الحب+ + + +




الرجوع الى أعلى الصفحة اذهب الى الأسفل
dodoz
عضو مشارك
عضو مشارك


انثى
الميزان الكلب
عدد الرسائل : 40
الكنيسة : almalak me7a2el btoson shobra
العمل : student
الشفيع : alsheda mhra2el
تاريخ التسجيل : 07/07/2008
نقاط : 1
التقييم : 0

مُساهمةموضوع: رد: ينبوع الحب   الأربعاء 09 يوليو 2008, 8:01 pm

االه اسكتش جامد موووووووووووووت ميرسى و ربنا يعوضك
الرجوع الى أعلى الصفحة اذهب الى الأسفل
دموع البابا
عضو جديد
عضو جديد


ذكر
العقرب القرد
عدد الرسائل : 18
الكنيسة : السيده العداره مريم
تاريخ التسجيل : 07/06/2008
نقاط : 1
التقييم : 1

مُساهمةموضوع: رد: ينبوع الحب   الإثنين 15 سبتمبر 2008, 6:50 pm

االه اسكتش جامد موووووووووووووت ميرسى و ربنا يعوضك
الرجوع الى أعلى الصفحة اذهب الى الأسفل
seham armia
عضو جديد
عضو جديد


انثى
العقرب الثعبان
عدد الرسائل : 3
الكنيسة : كنيسه العذراء مريم - محافظة الإسماعيليه
العمل : الشركه المصريه للإثصالات
تاريخ التسجيل : 16/01/2009
نقاط : 0
التقييم : 0

مُساهمةموضوع: رد: ينبوع الحب   الجمعة 16 يناير 2009, 3:10 pm

السلام والنعمه + قصه جميله جدا ومفيده الله يعطينا روح الحب لكل الناس وربنا يعوضكم
الرجوع الى أعلى الصفحة اذهب الى الأسفل
estef
عضو جديد
عضو جديد


ذكر
القوس الخنزير
عدد الرسائل : 1
الكنيسة : مار جرجس بعزبة نظيف
العمل : 00000000
الشفيع : ام الغلابة البا با كيرلس
تاريخ التسجيل : 31/01/2010
نقاط : 1
التقييم : 1

مُساهمةموضوع: رد: ينبوع الحب   الأحد 31 يناير 2010, 1:36 pm

[size=29]بجد اكسر من رائع انا من مسرح اسرة مار جرجس للنشاط المسرحرى بعزبة نظيف




اخيكم estef[/size
]
الرجوع الى أعلى الصفحة اذهب الى الأسفل
 
ينبوع الحب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الصوتيات و المرئيات :: منتدي المسرح الكنسي :: النصوص المسرحية-
انتقل الى: