الفلاريا ....

موضوع: الفلاريا .... الخميس 08 مايو 2008, 5:54 pm

الفلاريا ....

ايه هى الفلاريا

الفلاريا .... 540423283

الفلاريا دى دودة كدة بتيجى تعيش فى الجسم الانسان و بتسبب انتفاج للرجلين و ممكن الايد و الثدى عن البنات والستات

مقدمة بس قبل ما نعرف هى بتشتغل ازاى

المفروض ان الجسم بيحاول يحافظ على توازن فى السوائل فى جسمة ما بين الانسجة و الاوعية الى فى الجسم الى هى الاوعية الدموية و الليمفاوية
المفروض ان الاوعية اللمفاوية بتاخد الميا الزيادة الى فى الجسم و تفضيها اول باول فى الدم عشان متتراكمش و كمان بتنضف الجسم من السموم و الميكروبات و كدة

الى بيحصل هنا بقى فى المرض بتاعنا ان الدودة دى تيجى و تقوم قافلة الوعاء الليمفاوى بتاع الرجل مثلا
واحنا اتفقنا ان الاوعية دى بتفضى المية من الجسم
نتيجة للانسداد الى حصل ده الرجل تبتدى تتنفخ تتنفخ و تكبر
حاجة اسمها
lymphatic edema
يعنى تورم ليمفاوى :]

بتتنقل ازاى بقى الفلايا دى

الفلاريا دى ليها زى عيال كدة سايباهم يمرحو فى الدم بتاع العيان
هما مش عيال ولا حاجة دول زى ديدان كدة صغنين قبل ما يكبرو و يبقو دودة كبيرة زى مامتهم
دول و هما عمالين يمرحو كدة فى الدم بتاع العيان
تيجى ناموسة تقوم قارصة العيان و طبعا هتدخل خرطومها و تقعد تمص فى دمه و تمص معاه كام عيل كدة من العيال دول

تروح نفس الناموسة تقرص حد سليم بس المرة دى هتنزله هى العيال دول و يكبرو فى المريض الجديد و يبقو دودة كبيرة تروح برده تسدلها وعاء ليمفاوى و تعمل نفس المشكل

التشخيص

فى طرقتين للتخيص
اول حاجة ان احنا ناخد عينة دم و نشوف العيال الى قولنا عليهم ممكن نلاقيهم موجودين فى الدم

الطريقة التانية و هى الادق و دى بتعتمد على ان الدودة بتطلع مواد بندور عليها فى الدم اسمها انتيجينات

برنامج مكافحة الفلاريا

بتحاول الدولة انها تقاوم المرض بانها بتقتل كل الديديان الموجودة عند كل الناس فى منطقة معينة مرة واحدة عن طريق دوا اسمه البيندازول و معاه دوا تانى اسمه DEC

الفلاريا .... 721074007

موضوع: رد: الفلاريا .... الخميس 08 مايو 2008, 10:06 pm

نشكرك على المعلومات المهمة دي

ربنا يبارك خدمتك

موضوع: رد: الفلاريا .... السبت 10 مايو 2008, 11:16 am

dr.sheko كتب:: نشكرك على المعلومات المهمة دي

ربنا يبارك خدمتك

شكرااااااااااااااا ليك يا شيكو

ربنا يباركك