للتسجيل بالمنتدي بالتسجيل



 
الرئيسيةبحـثالتسجيلدخول

شاطر | 
 

 معجزة للانبا كاراس بتاريخ 1/7/2009

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Mena AvaMakar
مشرف
مشرف


ذكر
القوس النمر
عدد الرسائل : 1102
الكنيسة : كنيسة أنبا مقار باسيوط
العمل : 000000
الشفيع : أنبا مقار و مارمينا والبابا كيرلس
الاوسمة :
تاريخ التسجيل : 21/01/2009
نقاط : 1309
التقييم : 6

مُساهمةموضوع: معجزة للانبا كاراس بتاريخ 1/7/2009   السبت 04 يوليو 2009, 12:31 am

معجزتى باختصار هو انى من حوالى شهر ونصف او اكثر اى خلال فترة الامتحانات
كنت اشعر بالام وثقل شديد فى منطقة اسفل البطن والكليتين واحيانا كثيره
عند اسفل الظهر ايضا وكنت اظن ان ذلك بسبب شرب القهوه الكثير حيث كنت اصل
ان اشرب خمس فناجيل او اكثر وكانت امى تظن ان هذا دور برد حيث انى كنت
بكون عرقانه و جسمى سخن واجلس اسفل المروحه حسب قولها...قبل اول امتحان
اصبت باعراض دور برد شديد سخونه ودوخه وتكسير فى الجسم وكنت الجا للمسكنات
وانى اشرب كوب شاى بالمياه المصليه وارتاح شويه وخلاص على كده وكان ربنا
بيعدى الامتحانات على خير...وفى منتصف الامتحانات جيت يوم من بره واذا بى
لا اقدر على تحمل الم فى اسفل بطنى اكثر من نصف ساعه ولكن بقول يارب ويا
عدرا واذكر اسامى القديسين وماما كانت بره وكلمتنى ولاقتنى تعبانه كده
فجابتلى معاها مسكن من الصيدليه برده واخدته والموقف مر والامتحانات
مستمره واخدت اخر دور قبل الماده قبل الاخيره تعب ونوم والام فى الجسم
وكنت الجا بالنداء على شفعاء الماده(الانبا كاراس الانبا شنوده الانبا
بيشوى القديسه مارينا القديسه دميانه المعلم ابراهيم الجوهرى القديس
ابسخيرون القلينى شفيع السنه لى وغيرهم)وطبعا العدرا فهى شفيعتى الاساسيه
فى كل حاجه وبالذات ان الماده دى كانت صعبه جدا وخايفه منها جدا وكان ربنا
بيقوينى وخلانى ذاكرت حاجات زمايلى مهتموش بيها على اساس انها مش بتيجى فى
الامتحانات كتير لكن السنادى الحاجات دى هى اللى جات ورغم التعب ربنا
عدانى من الامتحان ده بسلام وفرحت وحسيت انه معايا وبيوجهنى...خلصت
الامتحانات والمفروض انى مبقتش تعبانه وبمارس حياتى الطبيعيه جدا...لكن
انا وامى ملاحظين انى خسيت جامد بتعب من اقل مجهود وكان تفسيرنا انى عشان
مبقتش باكل كويس زى الاول ولازم اغصب على نفسى واهتم بغذائى..بس فين شهيتى
للاكل؟؟؟بعد ما كنت باكل كتير دلوقتى مبقدرش اكل وبشبع من اقل
حاجه!!!...الحياه مستمره وجيت يوم 30-6-2009 واذ بالام شديده فى اسفل
البطن والظهر والجناب وحرقان شديد فى البول وايضا كان تفسير امى انه دور
برد ومر اليوم وجيه يوم 1-7-2009 ومازالت الالام موجوده بس انا اللى
متجاهلاها ودخلت اخذ حماما واذا بى فجاه اشعر بالم شديد وحرقان شديد فى
البول واذا بشىء يندفع مع البول وهى حصوه!!!!حصوه ليست صغيره ..حيث ان ابى
منذ بضعه اعوام كان يعانى من وجود حصوه على الكلى وكانت اصغر من هذه
بكثييير وكان ابى ينام على الارض على بطنه يخبط ويصرخ من شدة الالم وانا
لم اتالم بمقدار عشر تلك الالم التى كان يتالمها ابى من الحصوه!!!!!!ماما
كانت مذهوله انى كان فى جسمى حصوه ذى دى ومعرفناش لانى متالمتش الالام
اللى تخلينا نشك انى ممكن يكون عندى حاجه اكتر من دور برد ايام
الامتحانات.. خصوصا انى متعوده على كده بسبب ان مناعتى بتضعف ايام
الامتحانات من الخوف والتوتر ويعتبر انى لم اعانى من التعب فى الامتحانات
السنادى ذى كل سنه..واما جه بابا من شغله وحكينالوا و شاف الحصوه قاللى
احمدى ربنا لان حصوه ذى دى لو كنا اكتشفناها كان ممكن تحتاجى لعمليه عشان
تخرجيها(طبعا مهو مجرب)ده غير الالم الطبيعى اللى المفروض كنت احس بيه من
وجود حصوه ذى دى فى جسمى....انا عاوزه اقول انى ماستاهلش حنية ربنا دى
عليا خصوصا انى بقالى فتره بعيده عنه ومبتكلمش معاه غير عشان اعاتبه بسبب
مشاكل معينه فى حياتى وكنت بقلاى فتره كل شويه اقوله انت سايبنى ومبقتش
واقف جنبى ذى الاول وانا زعلانه وتعبانه ومش عشان انا بستحمل تقوم تسيبنى
وتزودها عليا كده انا مش مستحمله وتعبت وكفايه والخخخخخ......بس من ساعة
ما المعجزه دى حصلتلى امبارح وانا حساه انه بيكلمنى وبيرد عليا وبيقوللى
انا جنبك اهو منا لو سايبك كان ممكن اسيبك تتالمى وتتعبى وتعملى عمليه
وشوفوا الحصوه دى فى جسمى من امتى؟؟(من نصف مايو ويمكن من قبل كده
كمان)..حسيت انه عاوز يقوللى انا شايل عنك الام كتير بس انتى ممكن متكونيش
واخده بالك...حسيت انه عاوز يقوللى انه مبيعملش حاجه من غير سبب وان حتى
لو احنا اهملنا فى نفسنا ونسينا نفسنا هو ابدا مش هيهملنا و مش
هينسانا...حسيت انه عاوز يقوللى ان لكل شىء اوان ولكل امر تحت السماوات
وقت...شكرا ليك يا بابا يسوع ومهما شكرت انا عاجزه شكرا يا ماما العدرا
شكرا يا(بابا كيرلس يا مارمينا يا ابو سيفين يا مارجرجس يا ام ايرينى يا
قديسه ريتا يا ابونا بيشوى كامل يا ابونا عبد المسيح المناهرى يا قديس
ابسخيرون القلينى يا انبا كاراس يا ابونا ميخائيل يا قديس ونس يا قديس
ابانوب)و دول القديسين اللى متشفعه بيهم فى مشاكلى وعلطول بندهلهم
وبعاتبهم وليلة المعجزه كمان كنت بتشفع بيهم قبل ما انام وواثقه ان هما
معايا..امين
الرجوع الى أعلى الصفحة اذهب الى الأسفل
Mena AvaMakar
مشرف
مشرف


ذكر
القوس النمر
عدد الرسائل : 1102
الكنيسة : كنيسة أنبا مقار باسيوط
العمل : 000000
الشفيع : أنبا مقار و مارمينا والبابا كيرلس
الاوسمة :
تاريخ التسجيل : 21/01/2009
نقاط : 1309
التقييم : 6

مُساهمةموضوع: رد: معجزة للانبا كاراس بتاريخ 1/7/2009   الإثنين 06 يوليو 2009, 11:05 am

احدث معجزه للانبا كاراس
الرب يجعلها سبب بركه لكثيريين





الرجوع الى أعلى الصفحة اذهب الى الأسفل
tantona
مشرفة
مشرفة


انثى
عدد الرسائل : 584
الاوسمة :
تاريخ التسجيل : 03/05/2008
نقاط : 633
التقييم : 1

مُساهمةموضوع: رد: معجزة للانبا كاراس بتاريخ 1/7/2009   الإثنين 28 سبتمبر 2009, 1:43 am

بجد معجزه جميييييييييييييييله
وفيها تعزيه جامده جدا
ربنا يباركك
بركة صلوات القديسين الاطهار تكون معانا امين





الرجوع الى أعلى الصفحة اذهب الى الأسفل
Mena AvaMakar
مشرف
مشرف


ذكر
القوس النمر
عدد الرسائل : 1102
الكنيسة : كنيسة أنبا مقار باسيوط
العمل : 000000
الشفيع : أنبا مقار و مارمينا والبابا كيرلس
الاوسمة :
تاريخ التسجيل : 21/01/2009
نقاط : 1309
التقييم : 6

مُساهمةموضوع: رد: معجزة للانبا كاراس بتاريخ 1/7/2009   الثلاثاء 29 سبتمبر 2009, 11:50 pm

ربنا يبارك تعبك
شكرا على مرورك








الرجوع الى أعلى الصفحة اذهب الى الأسفل
 
معجزة للانبا كاراس بتاريخ 1/7/2009
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» كلمات اغاني الفنان مروان خوري
» نكت كويتية
» الأزمة الإقتصادية و نتائجها
» هل هناك أمل في أن أحصل على بـــــــــــــــــــــــــــــــاك 2009 ؟؟؟
» حوليات بكالوريا الجزائر 2009

صلاحيات هذا المنتدى:لاتستطيع الرد على المواضيع في هذا المنتدى
 :: المنتديات المسيحية :: سير القديسين :: معجزات القديسين-
انتقل الى: